"Nasaf" - "Lokomotiv" uchrashuvidan keyin maydon egalari bosh murabbiyi Viktor Kumikov "Loko" bitta hujumni golga aylantira olganini, shogirdlari esa ko'plab hujumlarni oxiriga yetkaza olmaganliklari tufayli ochko yo'qotishganini ta'kidlab o'tdi.
"Ikkita teng kuchli va sovrinli o'rinlar uchun kurashayotgan jamoalarning o'yinida u qadar ko'p xavfli vaziyatlar yuzaga kelmaydi. To'g'ri, tashabbus biz tarafda bo'ldi. Ammo imkoniyatlarni golga aylantirishda shogirdlarimga aniqlik yetishmadi. Himoyadagi yagona qo'pol xato golga olib keldi. Raqibimiz ana shu birgina imkoniyatdan foydalanib qoldi. Bizga esa ko'plab hujumlarni oxiriga yetkazib qo'ya olmadik", - dedi "Nasaf" bosh murabbiyi.
Viktor Kumikov "Lokomotiv" darvozaboni Aleksandr Filimonov haqida ham to'xtalib o'tdi.
"Uni ishonchli o'yin ko'rsatishini albatta bilardik. Biz o'zimiz unga yaxshi o'yinini ko'rsatish imkonini yaratdik. Agar to'pni darvozabonga emas, xuddi gol kiritilgan vaziyatdagi kabi darvoza burchagiga yo'llanganida hisob boshqacha ko'rinish olardi", - deya qo'shimcha qildi Viktor Kumikov.
Eslatib o'tamiz, "Nasaf" hamda "Lokomotiv" o'rtasidagi Oliy Liga 5-tur uchrashuvida 1:1 hisobidagi durang natija qayd etildi.
