 |
| © lokomotiv.tash.uz |
Vadim Abramov "Lokomotiv" bosh murabbiyi etib tayinlangani haqida interfutbol.uz xabar bermoqda. O'FF terma jamoalar menejeri lavozimida faoliyat olib borayotgan Vadim Abramov poytaxtning "Lokomotiv" jamoasi bosh murabbiyi etib tayinlandi. O'zbekiston olimpiya terma jamoasining sobiq bosh murabbiyi "Traktor" jamoasi iqtisodiy muammolar tufayli Oliy Liga bilan hayrlashgach, O'zbekiston futbol federatsiyasida faoliyatini davom ettirayotgandi. "Lokomotiv" yangi mavsumdan uy uchrashuvlarini TTZ ("Traktor"ning stadioni)da o'tkazadi. Bundan kelib chiqadiki, Abramov o'zi uchun begona bo'lmagan stadion va bazada ish boshlaydi. Abramovning "Traktor"dagi yordamchilari Abdullayev va Muftaxutdinov "Navbahor"ga o'tgach, qator "traktorsozlar" namanganliklar safiga borib qo'shilishgandi. Endi ularni yana ortga qaytishini bashorat qilish mumkin.
|
