 |
| © lokomotiv.tash.uz |
Oliy Liga 23-tur uchrashuvlari doirasida Bekobodga safar qilgan Ravshan Muqimov shogirdlari safardan muhim g’alaba bilan qaytishdi. Marsel Idiatullin tomonidan uchrashuvning so’nggi 10 daqiqasida kiritilgan ikki gol “Lokomotiv”ning ajoyib g’alabasiga zamin yaratdi. Birinchi Ligaga “nomzodlar” bahsidagi g’alaba “Loko” hamda “Metallurg” o’rtasidagi ochkolar farqini 7 taga yetkazgan bo’lsa, shu kuni Toshkentda “Traktor”ga mag’lub bo’lgan “Vobkent” bilan oradagi farq uchtani tashkil etmoqda. Ushbu g’alaba “Lokomotiv”ning Oliy Ligadagi o’rnini mustahkamlash bilan birga yana bir qator qiziqarli statistic ma’lumotlar bilan tarixdan joy oldi. Misol uchun, ushbu g’alaba “Loko” uchun Oliy Liga-2007dagi safarda erishilgan dastlabki g’alaba hisoblanaadi. Shuningdek, “Loko” ketma-ket ikki turdan beri g’alaba qozonmoqda. Umid qilamizki, “Loko”ning ushbu ajoyib natijalari nafaqat ushbu mavsum oxirigacha, balki keyingi mavsumda davom etajak! Barcha “Loko” ishqibozlarini ajoyib g’alaba bilan tabriklaymiz!!! O’zbekiston Oliy Ligasi, 23-tur “Metallurg” – “Lokomotiv” 0:2 (0:0)
Bekobod. Anoxin nomli stadion. 3500 Hakam: A. Jalilov – 8,0. Gollar: Marsel Idiatullin, 80 (0:1); Marsel Idiatullin, 85 (0:2). Ogohlantirishlar: D. O’rmonov, 62. – Oybek Usmonxo’jayev, 60.
|
